Bosch ჯგუფი ტექნოლოგიებისა და მომსახურების წამყვანი გლობალური მიმწოდებელია
Bosch-ის სტრატეგიული მიზანია, ინოვაციური პროდუქტებითა და მომსახურებით, მთელ მსოფლიოში ადამიანების ცხოვრების ხარისხი გააუმჯობესოს. კომპანია ქმნის ტექნოლოგიებს, რომლებიც „სიცოცხლისთვისაა შექმნილი“.

Bosch-ის ისტორია 1886 წელს დაიწყო, როდესაც რობერტ ბოშმა შტუტგარტში „ზუსტი მექანიკისა და ელექტროტექნიკის სახელოსნო“ დააარსა. ეს იყო კომპანიის დაბადება, რომელიც დღეს მთელ მსოფლიოში ოპერირებს: 440 შვილობილი და რეგიონალური კომპანია, Robert Bosch GmbH-სთან ერთად, 60-ზე მეტ ქვეყანასა და რეგიონში ქმნის Bosch ჯგუფს. 150 ქვეყანაში გაყიდვებისა და მომსახურების პარტნიორების გლობალურმა ქსელმა კომპანიის შემდგომი განვითარების მყარი საფუძველი შექმნა.